Sipas të gjitha gjasave trajneri i ri i Real Madridit, Juande Ramos, duhet të mendojë për ta zëvendësuar mesfushorin me influencë te Los Blancos, Wesley Sneijder, në ndeshjen e fundjavës kundër Barcelonës.[b] Këtë vikend kampionët në fuqi udhëtojnë me mungesa të shumta në Camp Nou për t’u ndeshur me skuadrën super në formë të Barcelonës, ndërsa Wesley Sneijder do të jetë mungesa më e dukshme e madrilenëve.
“Marca” njofton se të enjten holandezi nuk është stërvitur me pjesën tjetër të skuadrës, dhe siç duket edhe ai së bashku me të lënduarit tjerë (Ruben de la Red, Pepe, Ruud Van Nistelrooy, Miguel Torres dhe Gabriel Heinze) do të jenë spektatorë, duke përfshirë edhe Arjen Robbenin, i cili është i suspenduar për këtë ndeshje.
Los Merengues me çdo kusht duhet të nxjerrin rezultat pozitiv nga ky udhëtim, sepse nëse pësojnë humbje do të jenë 12 pikë prapa Barcës së pandalshme.