Ramos i kënaqur me fillimin e mbarë

Trajneri i ri i Real Madridit, Juande Ramos, është shprehur i kënaqur me fillimin e mbarë në stolin e Real Madridit. Kampioni i Spanjës shënoi fitore prej 3-0 mbrëmë ndaj Zenti St Petersbourg në kuadër të ndeshjeve të fundit të fazës grupore të Ligës së Kampionëve. “Më e mirë është që luajtëm një ndeshje të shkëlqyeshme dhe fituam bindshëm. Ne ishim të kualifikuar, ashtu që ndeshja ishte e rëndësishme për vetëbesimin dhe gëzohem që nuk pranuam gol”, ka thënë Ramos. “Tash duhet të ecim hap pas hapi dhe të fillojmë të zhvillohemi. Problem më të madh kemi në anën e majtë, ndërsa tashmë i njoh lojtarët. Çdonjëri prej tyre ka stilin e vet të lojës dhe do të duhet të mësojmë si ta plotësojmë atë në mënyrën më të mirë”, ka përfunduar Ramos.